Ակադեմիկոս Ա.Ռ. Մկրտչյանի անվան երիտասարդ գիտնականների գիտական դպրոց–գիտաժողովը նախատեսվում է կազմակերպել ամենամյա պարբերականությամբ։ Առաջին անգամ այն կազմակերպվել է 2022թ-ի հունիսի 6-ից 10-ը Սևանում և միանգամից առաջացրել է լայն հետաքրքրություն ակուստաֆիզիկայի բնագավառում աշխատող միջազգային գիտական համայնքի և երիտասարդ գիտնականների շրջանում։ Առաջին դպրոցին մասնակցել են հինգ երկրների մոտ երկու տասնյակ գիտնականներ և ավելի քան հիսուն ուսանողներ։ Դդպրոց–գիտաժողովի գործունեության արդյունքում ունկնդիրները կծանոթանան ակուստաֆիզիկայի բնագավառի ինտենսիվ զարգացող ուղղությունների հետ, ձեռք կբերեն գիտական քննարկումների ու զեկույցների ներկայացման փորձ, ինչպես նաև կծանոթանան ինստիտուտում և ՀՀ այլ գիտական կազմակեպություններում իրականացված կիրառական մշակումներին: Դպրոց–գիտաժողովը կնպաստի գիտության և կրթության բնագավառում միջազգային և հանրապետական նոր համագործակցությունների ստեղծմանը և գործող համագործակցությունների ամրապնդմանը, ինչպես նաև երիտասարդ գիտնականներին կհրապուրի զբաղվել գիտությամբ: